Սյունիքում ամբողջությամբ այրվում է 4 տուն

Սեպտեմբերի 9-ին՝ ժամը 02:41-ին, «911» ծառայությանն ահազանգ է ստացվել, որ Սյունիքի մարզի Խնածախ գյուղում այրվում է տուն:

Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից չորս մարտական հաշվարկ և մարզային փրկարարական վարչության օպերատիվ խումբը:

Պարզվել է, որ ամբողջությամբ այրվում է 4 տուն:

Հրդեհաշիջման աշխատանքներին մասնակցում է Գորիսի քաղաքապետարանի մեկ ջրատար և Խնածախ գյուղի 50 բնակիչ:

Հրդեհը մեկուսացվել է ժամը 07:30-ին, մարվել՝ 21:10-ին:

Ամբողջությամբ այրվել են երկու երկհարկանի բնակելի տներ՝ գույքով, ևս երկու տուն՝ մասամբ (մոտ 150-ական քմ):

Հրշեջները տեղում իրականացնում են հերթապահություն: